Administratiewe dienste
Voornemende applikante is welkom om Mev Martie van Wyngaardt te kontak vir enige navrae en/of inligting rakende Huis Martina. Aansoekvorms is ook verkrygbaar by ontvangs teen R20 per stel.
Enige finansiële navrae kan gerig word aan Mev Ciska Smit, die Finansiële Beampte.
Versorging
Die tehuis se fasiliteit kan tans 155 inwoners versorg. Daar is enkelkamers vir onafhanklike persone, ‘n versorgingsafdeling vir mense wat 24/7 versorging nodig het sowel as ‘n aparte Alzheimers/Dementia afdeling. Die bestuur van die Versorgingsafdeling word behartig deur 2 Geregistreerde Verpleegkundiges. Onder hulle is daar 2 Stafverpleegsters, 4 Verpleegassistente en 36 Versorgers.
Alle inwoners word ondersteun in persoonlike higiëne, mobiliteit en daaglikse aktiwiteite.
Huishoudelik
Die huishoudelike funksies van die tehuis soos bv die Kombuis, Wasser en Skoonmaakdienste is uitgekontrakteer na FEEDEM. Inwoners word voorsien van 3 maaltye per dag, asook 2 geleenthede vir tee/koffie gedurende die dag. (Laai Spyskaart af: regs-klik en Save)
Onafhanklike inwoners se wasgoed word 1 keer per week gedoen en die Versorgingsafdeling se wasgoed word elke dag gedoen.
Terreinbestuur
Die Tehuis beskik tans oor 2 Nutsman/Drywers wat verantwoordelik is vir die instandhouding van die gronde en algemene instandhoudingswerk van die Tehuis. Hulle is ook verantwoordelik vir die bestuur van die bussie om inwoners elke tweede week winkel toe te neem vir inkopies, asook pasiënte Kliniek/hospitaal toe te neem. Pasiënte moet in staat wees om sonder hulp in en uit die bussie te klim. Beide Drywers beskik oor n geldige PDP rybewys.
Aktiwiteite
Daar is verskeie aktiwiteite beskikbaar by die Tehuis en inwoners word aangemoedig om aan soveel moontlik deel te neem.
- ‘n Tema ete elke maand van die jaar
- Lente ontbyt
- High Tea
- Mandela dag vieringe ens
- Inkleurkompetisies
- Mnr/Mev Valentyn
- Daar word verskeie braai dae gehou deur die Beheerraad en ander Vrywilligers
- Ageless Grace Oefenklasse elke tweede Vrydag
- Biblioteekdienste elke tweede Donderdag
- Speletjies/Legkaarte/Breigroepie/Tuinbouklub
- Bybelstudie Woensdag oggende
- Biduur Woensdag aande
- Sondag regstreekse kerkdiensuitsending na Kapel
- Jaarlikse basaar
Foto Gallery
(Klik op foto’s om te besigtig)
Valentynsdag 2017 – Mnr. en Mev. Valentyn
Mev. February se 100ste verjaarsdag
Mandela Dag 2017 Thyme Spa
Mandela dag 2018 Panaroma Palms
Inkleuraktiwiteit 2017 – Alzheimer/Dementia Afdeling
Kersfees 2017
Beheerraadslede Worsbraai vir inwoners
Philidelphia Daycare kom sing kersliedere
Tuinbouklub
Finansiële Beampte word ‘n seuntjie ryker – Baie geluk Ciska
Kontak ons
Algemene Navrae:
Kontak Martie van Wyngaardt by tel no 021 931 1235 of epos ans-martina@mweb.co.za
Vrywilligers/Donateurs:
Indien u belangstel om as vrywilliger betrokke te raak kontak Martie van Wyngaardt by 021 931 1235 of epos ans-martina@mweb.co.za